Wenger:Arsenal ilipoteza taji la ligi nyumbani

Arsene Wenger

Mkufunzi wa Arsenal Arsene Wenger amesema kuwa timu yake ilipoteza harakati za kushinda ligi wakati wa kucheza mechi za nyumbani dhidi ya timu zilizo chini ye jedwali.

Arsenal iliopo katika nafasi ya nne imeshinda mechi sita kati ya mechi 16 ilizocheza.
Baadhi ya mashabiki wamemtaka raia huyo wa Ufaransa kuondoka katika mechi za hivi karibuni.
Ni lazima tujue kwamba ugenini tumekuwa washindi .

 Arsenal

Lakini nyumbani dhidi ya timu ndogo tulipoteza pointi nyingi,alisema Wenger.
Maandamano zaidi yanatarajiwa wakati wa mechi ya Jumamosi katika uwanja wa Emirates dhidi ya Norwich.

Read More

Trump achekwa kwa alivyotamka Tanzania

Trump alishambulia sana sera ya kigeni ya Obama

Mgombea urais wa chama cha Republican Donald Trump amekejeliwa mtandaoni baada ya kuonekana akiboronga akitamka Tanzania wakati wa kutoa hotuba.

Bw Trump alikuwa akizungumzia mashambulio ya kigaidi yaliyotekelezwa katika mabalozi ya Marekani nchini Kenya na Tanzania mwaka 1998 wakati wa kuzungumzia sera yake ya kigeni.
Badala ya kutamka vyema ‘Tanzania’ anasikika akitamka ‘Tan-zay-nia’.
Mashambulio hayo yalitekelezwa na mtandao wa kigaidi wa al-Qaeda.
Msemaji wa ikulu ya White House pia alimcheka Bw Trump alipoulizwa kuhusu vile mfanyabiashara huyo tajiri kutoka New York alivyotamka jina Tanzania.
“Kweli, yamkini jinsi ya kutamka huwa haijaelezwa kwenye kifaa cha kuonesha maandishi ya hotuba,” alieleza afisa wa habari wa ikulu Bw Josh Earnest.

Read More

Magufuli: Polisi sharti wajirekebishe

Rais Magufuli amesema baadhi ya mambo yanachangia kuwepo kwa hali ngumu ya utendaji kazi Rais wa wa Tanzania Dkt John Magufuli amelitaka jeshi la polisi nchini pamoja na ofisi ya mwendesha mashitaka kujirekebisha katika utenda kazi na kujiepusha na kashfa.Amesema taarifa zinaonesha jeshi la polisi limekuwa likihusishwa na matumizi mabaya ya fedha hali inayoongeza ukubwa wa matatizo yanayokwamisha utendaji wake wa kazi.Akiongea alipokuwa akifungua kikao cha kazi cha makamanda wa polisi wa mikoa, mawakili wafawidhi wa serikali wa mikoa na wakuu wa upelelezi wa Mikoa na Vikosi, Dodoma ametoa mfano wa taarifa za matumizi mabaya ya fedha zinazotolewa kwa ajili ya kununulia vifaa na sare za askari.Aidha, amezungumzia mikataba yenye mashaka inayotiwa saini kati ya polisi na wawekezaji akisema baadhi ya mambo yanayoongeza hali ngumu ya utendaji kazi kwa jeshi hilo.“Nimesema lazima nizungumze kwa uwazi, nisiposema kwa uwazi nitajisikia vibaya nikimaliza mkutano huu, nataka muelewe na muelewe ukweli direction (njia) ninayoitaka mimi.”Dkt. Magufuli pia amelitaka jeshi la polisi kujiepusha na kashfa ambazo zimekuwa zikisemwa dhidi yake, ikiwemo maafisa wa polisi kujihusisha na biashara ya dawa za kulevya na kuazimisha silaha kwa wahalifu wa ujambazi.Kuhusu Ofisi ya Mwendesha Mashitaka, amesema amekuwa akisikitishwa sana na vitendo vya serikali kushindwa katika kesi nyingi mahakamani licha ya kuwa na wanasheria mahiri."Niwaombe mawakili na polisi wanaohusika na upelelezi mtangulize maslahi ya nchi mbele, kwa sababu kumekuwa na usemi kwa baadhi ya wapelelezi na mawakili wachache, nasema wachache, panapokuwa na kesi inayohusiana na pesa pesa, wana misemo yao wanasema dili limepatikana,” amesema.“Na saa nyingine kesi inapopelekwa mahakamani wana-collude (wanakula njama) mawakili wa serikali na mawakili wanaomtetea mhalifu, na wanapo-collude (wanapokula njama pamoja) siku zote serikali inashindwa.”

Read More

Mazungumzo ya amani ya Burundi yaahirishwa

Visa vya watu kuuawa vimeendelea kuripotiwa Burundi

Mazungumzo ya amani kuhusu mzozo wa kisiasa Burundi, ambayo yalipangiwa kufanyika wiki ijayo mjini Arusha, yameahirishwa.

Mashauriano hayo yalikuwa yamepangiwa kufanyika kuanzia tarehe 2 hadi 6 Mei chini ya mfanikishi aliyeteuliwa na Jumuiya ya Afrika Mashariki, Rais wa zamani wa Tanzania Benjamin Mkapa.
Taarifa kutoka afisi ya Bw Mkapa imesema mazungumzo hayo yameahirishwa kutoa nafasi kwa mashauriano zaidi na wadau.
“Inakadiriwa kwamba mazungumzo haya yatafanyika katika wiki ya tatu ya mwezi Mei,” taarifa hiyo imesema.






 

Afisa mkuu wa jeshi la Burundi ameuawa pamoja na mkewe baada ya kushambuliwa na watu wasiojulikana mjini Bujumbura.

Jenerali Athanase Kararuza na mkewe wameuawa wakiwapeleka watoto wao shuleni, afisa mmoja wa usalama ambaye hakutaka jina lake litajwe ameambia shirika la habari la AFP.
Wizara ya ulinzi imethibitisha kifo chake.
Jenerali huyo ndiye afisa wa karibuni zaidi wa jeshi kuuawa katika mji huo mkuu wa Burundi tangu kufanyika kwa jaribio la kupindua serikali ya Rais Pierre Nkurunziza mwaka jana.

Read More

Raia wa Burundi waendelea kulitoroka taifa lao

Kambi ya Nyarugusu

Takriban watu 260,000 wamelitoroka taifa la Burundi tangu kuzuka kwa mgogoro mwaka mmoja uliopita,huku idadi hiyo ikitarajiwa kuongezeka hadi 330,000 kufikia mwisho wa mwaka ,iwapo suluhu ya kisiasa haitapatikana na ishara za kuzuka kwa vita vya wenyewenye kwa wenyewe kutositishwa.

Kulingana na tume ya wakimbizi katika shirika la umoja wa Mataifa UNHCR wengi wa wakimbizi waliotorokea katika mataifa jirani wamelalamikia unyanyasaji ,wa kingono kukamatwa mara kwa mara,vitisho,kuajiriwa kujiunga na jeshi na mauaji.
Tanzania ina idadi kubwa ya wakimbizi wakiwemo raia 30 wa Burundi wanaoingia nchini humo kila siku na kambi ya Nyarugusu ni miongoni mwa kambi kubwa duniani ikiwa na wakimbizi 140,540.
Tume hiyo imesema kuwa idadi nyengine ya wakimbizi katika mataifa mengine ni kama ifuatavyo:
Rwanda (76,404)
DRC (22,204)
Uganda (24,583).

Read More

Benki ya Chase yafunguliwa tena Kenya

Wateja wanaruhusiwa kutoa hadi $10,000

 Benki ya Chase iliyokuwa imefungwa wiki tatu zilizopita baada ya kukumbwa na matatizo ya kifedha imefunguliwa tena.

Wateja wengi wamefika katika matawi ya benki hiyo kutoa pesa na wengine kutekeleza shughuli nyingine za kibiashara.
Wateja ambao walikuwa wameweka pesa zao katika benki hiyo wanaruhusiwa kutoa hadi shilingi 1milioni ($10,000; $6,800).
Benki ya Chase ndiyo ya tatu kuwekwa chini ya mrasimu nchini Kenya katika kipindi cha miezi sita, hatua iliyozua wasiwasi kuhusu uthabiti wa sekta ya benki nchini Kenya.

• Benki ya Chase ilivyovuma kisha ikayumba Kenya
• Video: Wateja wa Chase Bank wafurahia kufunguliwa kwake

Benki nyingine zilizowekwa chini ya mrasimu ni Benki ya Imperial na Benki ya Dubai.
Gavana wa Benki Kuu ya Kenya (CBK) Dkt Patrick Njoroge amepuuzilia mbali wasiwasi kuhusu sekta hiyo na kusema benki hiyo inachukua hatua kudhibiti hali.

Aidha, amewaahidi wateja walioweka amana pesa zao kwenye benki kwamba pesa zao ziko salama.
Benki ya Chase itasimamiwa kwa muda na Benki ya Kenya Commercial (KCB).
Afisa mkuu mtendaji wa KCB Joshua Oigara ameeleza matumaini yake kwamba benki hiyo itajikwamua na kuimarika tena.

Read More

Dola milioni 800 za IS zaharibiwa na Marekani

Wapiganaji wa Islamic State

Hadi dola milioni 800 fedha taslimu zinazodhibitiwa na kundi la wapiganaji la Islamic State zimeharibiwa katika mashambulizi ya angani, afisa mmoja wa jeshi la Marekani amesema.

Meja Jenerali Peter Gersten ambaye amepiga kambi nchini Baghdad amesema kuwa Marekani imeripoti kuyalenga maghala yanayoweka fedha hizo.
Pigo hilo kwa IS limesababisha kutoroka kwa wapiganaji wake huku idadi ya wale wanaojiunga na kundi hilo pia ikipungua.
Mwaka 2014 ,idara ya fedha nchini Marekani ilisema kuwa kundi la Islamic State ndilo linalofadhiliwa sana duniani.
Katika taarifa kwa vyombo vya habari Gersten ambaye ni naibu kamanda wa operesheni na intelijensia katika kikosi cha Marekani,amesema kuwa takriban makombora 20 ya angani yaliolenga maghala ya fedha ya kundi hilo yamerushwa

 

Islamic Stat

Hatahivyo hakuelezea vile Marekani ilivyogundua ni pesa ngapi zilizoharibiwa.
Katika kisa kimoja amesema kuwa takriban dola milioni 150 ziliharibiwa katika nyumba moja mjini Mosul nchini Iraq.

Read More