Wenger:Arsenal ilipoteza taji la ligi nyumbani

Arsene Wenger

Mkufunzi wa Arsenal Arsene Wenger amesema kuwa timu yake ilipoteza harakati za kushinda ligi wakati wa kucheza mechi za nyumbani dhidi ya timu zilizo chini ye jedwali.

Arsenal iliopo katika nafasi ya nne imeshinda mechi sita kati ya mechi 16 ilizocheza.
Baadhi ya mashabiki wamemtaka raia huyo wa Ufaransa kuondoka katika mechi za hivi karibuni.
Ni lazima tujue kwamba ugenini tumekuwa washindi .

 Arsenal

Lakini nyumbani dhidi ya timu ndogo tulipoteza pointi nyingi,alisema Wenger.
Maandamano zaidi yanatarajiwa wakati wa mechi ya Jumamosi katika uwanja wa Emirates dhidi ya Norwich.

Read More

toure ashinda tuzo ya BBC ya mwana soka bora

Read More

Watano kuwania tuzo ya mwanasoka bora Afrika 2015

Wagombea watano wa tuzo ya BBC kwa mwanasoka bora wa mwaka 2015 wametangazwa kwenye hafla maalum iliyoandaliwa mjini Johannesburg, Afrika Kusini.

Mshindi wa tuzo la mwaka 2014 Yacine Brahimi, yupo kwenye orodha hiyo pamoja na Pierre-Emerick Aubameyang, André Ayew, kutoka Ghana, Sadio Mané na Yaya wote wa Ivory Coast.
Mshindi ataamuliwa na mashabiki wa soka Afrika ambao watapewa fursa kupiga kura hadi tarehe 30, Novemba.
Unaweza kupiga kura mtandaoni kwa kubofya hapa au kwa kutuma ujumbe mfupi wa simu kwa nambari +44 7786 20 20 08:

• Ujumbe 1 kwa-Emerick Aubameyang
• Ujumbe 2 kwa André Ayew
• Ujumbe 3 kwa Yacine Brahimi
• Ujumbe 4 kwa Sadio Mané
• Ujumbe 5 kwa Yaya Touré

Gharama za matumizi ya simu za kimataifa itatumika, tafadhali wasiliana na mtoa huduma wako. Ujumbe moja utatumika kwa nambari moja ya simu pekee.
Mshindi atatangazwa ijumaa tarehe 11 mwezi December wakati wa matangazo maalum kwenye BBC World News na BBC World Service, wakati mitandao ya BBC Sport na BBC Africa ikitoa pia matangazo. Kwa sheria na masharti bofya hapa.
Wagombea wa tatu mwaka huu waliopigiwa kura na wanahabari 46 kutoka Afrika wamewahi kushinda tuzo hilo: Ayew (2011), Touré (2013) na Brahimi (2014).
Aubameyang ameorodheshwa kwa mwaka wa tatu mfululizo wakati Mané akijumuishwa kwa mara ya kwanza.
Mshambulizi Aubameyang amenawiri katika ufungaji magoli mwaka huu, akimaliza kama mfungaji mabao bora wa Borussia Dortmund msimu uliopita kabla ya kuandikisha rekodi mpya ujerumani kati ya 2015-16.
Mwezi Oktoba raia huyo wa Gabon, mwenye umri wa miaka 26,alikuwa mtu wa kwanza kufunga bao katika mechi nane za mwanzo katika Bundesliga huku mechi zake 17 za mashindani zikiishia ushindi mkubwa wa mabao 20 .
Mwaka huu pia umeshuhudia mafanikio makubwa kwa Ayew na ingawa haikuwa kilele, kombe la mataifa barani Afrika yalipunguza machozi yake huku the Black Stars ikishindwa na Ivory Coast.
Alikuwa na ushawishi mkubwa katika kampeni ya Ghana na kisha kuuhamisha ufanisi wake katika ligi guu ambako alifunga mabao matano katika mechi kumi alizochezea Swansea City.
Brahimi anayeichezea FC Porto amekuwa mchezaji anayelengwa barani Afrika na ulaya lakini raia huyo wa Algeria, 25, amekuwa akiongeza mabao katika ufanisi wake kwa kufunga jumla ya magoli 13 msimu uliopita huku akiisaidia klabu yake kushiriki robo fainali za ligi ya mabingwa kwa mara ya kwanza katika kipindi cha miaka sita
Mojawepo wa mafanikio yake makubwa yalikuwa katika shindano hilo msimu uliopita ambako chenga chenga zake zingefananishwa tu na Eden Hazard wa Chelsea au nyota wa Barcelona Lionel Messi.
Tarehe 16 Mei, Mane anayeichezea Southampton alihitaji tu sekunde 176 kufunga hattrick ya haraka zaidi katika hisoria yake ya kucheza katika Premier League.
Ni miongoni mwa mabao yake 10 katika mechi 29 za Ligi ya Premia mwaka huu, matokeo yaliyoimarishwa zaidi hasa ikizingatiwa yeye ni mchezaji wa kiungo cha kati.
Mchezaji wa pekee katika orodha hii aliyewahi kunyakuwa kombe ni Touré na ilikuwa zawadi kubwa iliyoje wakati alipoiongoza Ivory Coast kunyakuwa taji la kwanza katika michuano ya kombe la mataifa katika kipindi cha zaidi ya miongo miwili.
Akiwa ndiye mchezaji mwenye umri mkubwa zaidi kuwaliko wapinzani wake, mchezaji huyo wa kiungo cha kati ni mhimili katika matumaini ya klabu ya Manchester City kunyakuwa mataji na kazi yake imetambuliwa na Fifa ambayo imemteuwa kama mchezaji wa pekee kutoka Afrika kuania taji la kifahari la Ballon d’Or.

Read More

                            Mechi 14 za kufuzu kwa kombe la dunia leo 

Mechi 14 za mkondo wa pili wa kufuzu kwa fainali za kombe la dunia la mwaka wa 2018 nchini Urusi zinachezwa leo kote barani Afrika

Washindi katika mechi hizi ndio watakaofuzu kwa mkondo ujao na kujiunga na Uganda ambao tayari walijikatia tikiti baada ya kushinda Togo kwa jumla ya mabao 4-0.
Uganda, DR Congo, Morocco, Guinea na Gabon zilifuzu kusonga mbele katika hatua ya makundi baada ya kushinda mechi zao.
Gabon nao wakasonga mbele katika hatua ya makundi kwa ushindi wa mikwaju ya penalti 4-3 dhidi ya Msumbiji.
Nao Zambia, wakawachapa Sudan kwa 2-0 na kufuzu kwa makundi kwa jumla ya mabao 3-0 .
DR Congo walitoka sare ya 2-2 na Burundi huko kwao lakini wamesonga mbele baada ya kushinda mchezo wa kwanza kwa mabao 3-2 huko Bujumbura.
Morocco nao wamefuzu licha ya kufungwa 1-0 jana na Equatorial Guinea baada ya wao kushinda mechi ya kwanza 2-0.
Ratiba ya mechi za leo:
Rwanda v Libya 16:30 (0-1)
Cameroon v Niger 17:00 (3-0)
Ghana v Comoros 18:00 (0-0)
Nigeria v Swaziland 18:00 (0-0)
Congo v Ethiopia 18:00 (4-3)
Misri v Chad 19:30 (0-1)
Tunisia v Mauritania 20:00 (2-1)
Afrika Kusini v Angola 20:00 (3-1)
Ivory Coast v Liberia 20:00 (1-0)
Burkina Faso v Benin 21:00 (1-2)
Algeria v Tanzania 21:15 (2-2)
Mali v Botswana 22:00 (1-2)
Cape Verde v Kenya 22:00 (0-1)
Senegal v Madagascar 22:00 (2-2)

Read More

Mkwasa Afunguka: Tulifanya Kosa Kubwa Sana Kufanya Mabadiliko Wakati Timu ilikuwa Vizuri na Stable......

Baada ya timu ya taifa ya Tanzania ‘Taifa Star’ kulazimishwa sare ya kufungana magoli 2-2 na Algeria kwenye uwanja wa taifa, kocha mkuu wa kikosi hicho Charles Boniface Mkwasa amesema, mabadiliko yaliyofanywa na benchi la ufundi kumtoa Elius Maguli na kumingiza Mrisho Ngassa hayakuzaa matunda kama walivyotarajia.

Mkwasa amesema, walimuanziasha Maguli kwasababu ni mchezaji ambaye anatumia nguvu na anaweza kupambana kwa kutumia mwili wake lakini baadaye walimpumzisha wakiamini kuingia kwa Ngassa kungeifanya timu kutengeneza  nafasi nyingi zaidi za kufunga kwasanbabu Ngassa anaspidi na uwezo wa kutengeneza nafasi.

“Niseme tu kwamba leo (jana) ilikuwa ni game yetu 100%  tumetengeneza nafasi nyingi sana lakini tumeshindwa kuzitumia tumepata goli mbili lakini kuna muda tumepoteza concentration wakaweza kurudisha goli zote mbili lakini vijana wamepambana wamehangaika kutafuta magoli kutokana na nafaisi zilizopatikana na wakati mwingine tunasema mpira unabahati na Algeria wanabahati sana”, alisema Mkwasa.

“Vijana wamejitahidi lakini niseme tulifanya makosa pengine wakati wa kufanya mabadiliko kwasababu timu ilishakuwa stable lakini ni matokeo ya mchezo na nafikiri bado tunamlima mrefu kwasababu ninavyowatazama hawa nyumbani kwao watabadilika. Lakini uwezo wa kuwafunga tunao timu yao sio nzuri sana kiasi kwamba haifungiki”.

“Niwashukuru watanzania na waandishi wa habari kwa kuhamasisha na watanzania wameweza kuitikia na tumeona jinsi gani wameishangilia timu yao lakini wasife moyo kwa matokeo haya, tupo katika mchakato wa kujenga timu naamini katika muda mfupi tutakuwa na timu nzuri kama wenzetu ambavyo wanatimu zao”.

“Niwashukuru pia wachezaji na wengine wote ambao tumeshirikiana, kamati pamoja na TFF kwa kuweza kuonesha kiwango ambacho kwa muda mrefu hakijaonekana”.

Kikosi cha Stars kimeondoka jana usiku kuelekea nchini Algeria kwa ajili ya mchezo wa marudiano utakaopigwa Jumanne November 17.

Read More