Rwanda yawaondosha raia wake Zambia

Rwanda yawaondosha raia wake Zambia

Raia 13 wa Rwanda wamekuwa wa kwanza kurejeshwa Kigali kufuatia kutibuka kwa ghasia dhidi yao nchini Zambia.

Serikali ya Rwanda imechukua hatua hiyo kufuatia ghasia zilizowalenga wanyarwanda na biashara zao nchini Zambia.
Waliorejea nchini Rwanda ni watu 13 walioweza kufika kwenye afisi za ubalozi wa Rwanda mjini Lusaka na ambao mali zao iliteketezwa kabisa.
Katika mazungumzo na BBC wanyarwanda hao wanasema mali zao nchini Zambia ziliteketezwa na kwamba hali ya maisha nchini Rwanda itakuwa ngumu kwa kuwa walikuwa wameishauza mali zao kabla ya kuwekeza nchini Zambia.
Mmoja wa wanyarwanda hao Alfani Sindaheba amesema kuna uhasama na chuki dhidi ya wageni Zambia.
Ameongeza kuwa sababu nyingine inaweza kuwa ya kisiasa hasa mbinu za wapinzani kutaka kumharibia sifa rais Edgar Lungu.

 Polisi walikuwa na wakati mgumu kudumisha hali ya amani

“mwezi wa 8 kutafanyika uchaguzi na huyu rais baadhi hawampendi kwa sababu alipofika madarakani alibadilisha mambo mengi na dolla ya Marekani ikapanda sana,hivyo wengi hawakupendezwa na mageuzi aliyoyafanya.'
''Nafikiri baadhi ya wanasiasa wametumia machafuko haya ya chuki dhidi ya wageni kutaka kumvuruga rais Lungu.”alisema Bwana Sindaheba.
Wanyarwanda hao waliorejea kutoka Zambia baadhi wamesafirishwa katika maeneo yao asilia na wengine wamesalia hotelini mjini Kigali,wakisubiri mipango ya serikali ya kuwasafirisha hadi mikoa yao asilia.

Read More

nyangumi aonekana pembezoni mwa fukwe za coco bichi

downlod hapa

Read More

Jino kubwa la nyangumi lapatikana Australia

Jino hilo lilipatikana mwezi Februari

Jino kubwa la nyangumi limepatikana ufukweni Australia, na kuwa thibitisho la kwanza kwamba nyangumi wakubwa hatari sana waliishi mbali na Amerika.

Mkusanyaji wa visukuku Murray Orr alipata jino hilo lenye urefu wa sentimeta 30 (inchi 12) ufukweni Beaumaris Bay karibu na mji wa Melbourne mwezi Februari.
Alilikabidhi kwa makumbusho ya Victoria, ambayo yalianza kulionesha kwa umma Alhamisi.
Inakadiriwa kwamba nyangumi mwenye jino hilo aliishi zaidi ya miaka milioni tano iliyopita. Alitoka kwa aina ya nyangumi ambao siku hizi hawapatikani duniani.
Nyangumi hao wanaaminika kuwa watangulizi wa nyangumi wakubwa wa sasa wajulikanao kwa Kiingereza kama "sperm whales".

Nyangumi wakubwa baharini

Hadi kupatikana kwa jino hilo Beaumaris, visukuku vya nyangumi wakubwa vilikuwa vinapatikana pwani ya magharibi ya mabara ya Amerika Kusini na Amerika Kaskazini.
Makavazi hiyo imesema nyangumi mwenye jino hilo huenda alikuwa na urefu wa mita 18 na uzani wa tani 40.

Read More

Al-Shabab aliyejiunga na IS anaswa Somalia

Hassan Mohamed alijiondoa al-Shabab mwishoni mwa 2015

Kamanda wa kundi la al-Shabaab aliyejiunga na kundi linalojiita Islamic State nchini Somalia amekamatwa na maafisa wa usalama nchini humo.

Hassan Mohamed Siad ambaye pia hujulikana kama Hassan Fanah alikamatwa Jumapili baada ya maafisa wa ujasusi wa Somalia kufanya operesheni katika nyumba moja mtaa wa Kahda.

Vyombo ya habari nchini Somalia vinasema alikuwa anajificha katika mtaa huo kutoka wa wapiganaji wa al-Shabab.

Serikali ya Somalia ilikuwa imeahidi zawadi ya $2,000 kwa mtu ambaye angetoa habari za kusaidia kukamatwa kwake.

Kamanda huyo alijiunga na kundi la Islamic State mwishoni mwa mwaka 2015.

Serikali ya Somalia inamtuhumu kwa kuhusika katika mashambulio dhidi ya wanajeshi wa Somalia na vikosi vya Umoja wa Afrika (Amisom) mjini Mogadishu.

Read More

Salamu TMK - Mfuko Official Video

karibu upate uhondo

                                                        downlod hapa

Read More

Atolewa kwenye ndege kwa kuongea Kiarabu

Mwanafunzi wa chuo kikuu raia wa Iraq katika jimbo la California nchini Marekani anasema kuwa alitolewa kutoka kwenye ndege ya shirika la ndege la Southwest baada ya kufanya mazungumzo kwa lugha ya kiarabu.

Shirika hilo la Southwest lilisema kuwa Khairuldeen Makhzoomi aliondolewa ndegeni tarehe 9 mwezi Aprili kabla ya ndege hiyo kupaa.
Bw Makhzoomi anasema alikuwa akizungumza na mjomba wake kwa njia ya simu kuhusu hotuba ya katibu mkuu wa Umoja wa Mataifa Ban Ki-moon.
Anasema kuwa mwanamke mmoja kwenye ndege hiyo alimkodolea macho wakati alitamka jina "Inshallah" akimaanisha Mungu akipenda.
Baada ya kutumia jina hili mfanyikazi wa shirika la Southwest alimsindikiza nje ya ndege.
Bw Makhzoomi ambaye aliingia nchini Marekani kama mkimbizi kutoka Iraq na sasa ni mwanafunzi wa chuo cha Carlifonia cha Berkeley, aliambiwa kuwa hawezi kuingia tena kwenye ndege hiyo.

Read More

Raia waliolazimika kutoka nje ya mahakama baada ya ombi la kuisikiza kesi hiyo kwa faragha kukubaliwa

Mahakama mjini Kigali imeanza kusikiliza kesi ya rufaa iliyowasilishwa na kundi la waislamu wakipinga kifungo cha muda katika kesi inayohusu ugaidi.

Kundi hilo linatuhumiwa makosa ya kuhamasisha na kusajili wapiganaji wa kujiunga na kundi la IS nchini Syria.
Watuhumiwa 11 miongoni mwa 17 ndio wamejitokeza mahakamani.
Kinyume na ilivyokuwa awali usalama haukuwa mkali kiasi kwamba watuhumiwa waliweza kuongea na jamaa zao waliokuwepo kuwaunga mkono.
Washtakiwa na mawakili wao walitaka mahakama kupinga uamuzi uliochukuliwa na mahakama ya mwanzo wa kuwapa kifungo cha muda cha siku 30 badala yake wakataka kesi yao isikilizwe wakiwa nje ya kizuizi.
Hakuna mengi yaliyosikilizwa kwani kabla ya hoja za kesi hiyo kuendelea,mwendesha mashitaka ameomba mahakamani kesi hiyo isikilizwe kwa faragha.
Jaji ameunga mkono ombi hilo na kuwataka waliohudhuria kesi kutoka nje isipokuwa washitakiwa na mawakili wao.
Katika kesi ya awali,watuhumiwa walikana mahusiano ya aina yoyote na kundi la Islamic State na kwamba kamwe hawajashiriki mafunzo yoyote ya kijeshi kwa lengo la kusaidia kundi hilo kama yalivyo mashitaka dhidi yao.
Mahakama ya mwanzo ilikuwa imechukua uamuzi wa kuwaweka kizuizini kwa muda ikizingatia ushahidi wa marehemu Imam Mohamed Mugemangango aliyeuawa mwezi wa kwanza mjini Kigali kwa kupigwa risasi na polisi kwa madai kuwa alitaka kutoroka.
Imetangazwa kwamba katika ngazi Imamu huyo alikuwa ametangaza kuwa watuhumiwa hao ni kundi linalotafuta vijana wa kujiunga kundi na Islamic State na wako tayari kufanya Jihad.
Lakini wao wanasema ushahidi wa mtu aliyekufa hauwezi kuzingatiwa.
Kesi itaendelea kusikilizwa kwa faragha

Read More